Look of the day

去幼稚園面試
Shirt: Gap
Tee: Nike
Pants: taobao

第一次去母嬰健康院

2010年10月9日，粒豆第一次去母嬰健康院做檢查，亦是他出院後第一次去街。

粒豆的黃疸情況正常，體重在收完水之下回升至3公斤。見到他在脫去衣服後放磅上無助的模樣，真是可憐又好笑。

之後粒豆媽進去母乳餵哺室接見姑娘。粒豆始終唔聽話，不肯埋身食奶，而且哭鬧至拆天，最後姑娘都要讓步放返佢出去飲奶。雖然個姑娘好好人，但都俾左好大壓力粒豆媽，要每一兩小時就試一次埋身，又要用spoon/cup feed，真係好難。果日返到屋企粒豆爸媽試用小匙餵粒豆，可惜佢食左十幾匙就唔再賣賬，搞到粒豆媽想喊。好彩粒豆爸之後請教其他媽咪，原來全泵媽咪大有人在，所以粒豆爸媽決定唔強迫自己，亦唔強迫粒豆，大家開心最緊要！

初來報到的第一天

2010年10月4日上午9時43分，粒豆來到這個世界上啦！

手術由廖醫生操刀，由下刀到出世，不過十來分鐘的時間。聽到BB大聲啼哭的一剎，粒豆媽感覺到一陣奇妙的悸動，粒豆爸更加是感動至眼濕濕。雖然粒豆是我們的寶貝，但粒豆媽也要說句「粒豆你啱啱出世個樣真係好核突呀！」

這日就是粒豆生命旅程的第一天，也是改變粒豆爸粒豆媽生命的一天。

粒豆名字的由來

話說粒豆媽懷孕後，粒豆爸download了一個apps叫What to expect，果一日個apps話粒豆的大小有如一粒sweet pea，呢對無聊父母就起了一個花名叫「粒豆」，講講下又幾順口，所以粒豆就叫做粒豆啦！